ሰሙነ ሕማማት ማክሰኞ/የጥያቄ ቀን/

Thursday, May 16, 20190 comments




                   
          ለምን የጥያቄ ቀን በመባል ይታወቃል
  
ምክንያቱም ሹመትን ወይም ሥልጣንን ለሰው ልጅ የሰጠ ጌታችን፣ ሰኞ ባደረገው አንጽሖተ ቤተ-መቅደስ ምክንያት፣ በዚህ ዕለት ስለ ሥልጣኑ በጸሐፍት ፈሪሳውያን ተጠይቋልና፤ጥያቄውም ከምድራውያን ነገሥታት፣ ከሌዋውያን ካህናት ያይደለ ትምህርት ማስተማር፣ ተአምራት ማድረግ፣ ገበያ መፍታትን በማን ሥልጣን ታደርጋለህ; ይህን ሥልጣን ማን ሰጠህ; የሚል ነበር፡፡ (ማቴ.21፤23-27፣ ማር.11፤27-30፤ ሉቃ.20፤1-8)





 እርሱም መልሶ እኔም አንድ ነገር እጠይቃችኋለሁ፤ እናንተም ብትነግሩኝ በማን ሥልጣን እነዚህን እንዳደርግ እነግራችኋለሁ፤ የዮሐንስ ጥምቀት ከወዴት ነበረች ከሰማይን; ወይስ ከሰው; አላቸው፤ እነርሱም ከሰማይ ብንል ለምን አልተቀበላችሁትም ይለናል፤ ከሰው ብንል ሕዝቡ ሁሉ ዮሐንስን እንደ አባት ያከብሩታል፤ እንደ መምሕርነቱ ይፈሩታልና ሕዝቡን እንፈራለን ተባብለው ከወዴት እንደሆነ አናውቅም ብለው መለሱለት፡፡ እርሱም በማን ሥልጣን እነዚህን እንደማደርግ አልነግራችሁም አላቸው፡፡ ይህንንም መጠየቃቸው እርሱ የሚያደርጋቸው ሁሉ በራሱ ሥልጣን እንዲያደርግ አጥተውት አልነበረም፤ ልቡናቸው በክፋትና በጥርጥር ስለተሞላ ነው እንጂ፡፡ ከዚህ የምንማረው የእነሱን ክፉ ጠባይና ግብር መከተል እንደማይገባ ነው፡፡
            በዚህ ዕለት በቤተ መቅደስ ረጅም ትምህርት ስላስተማረ፤ የትምህርት ቀንም ይባላል፤ ይኸውም ከሃይማኖት የራቁትን፣ ከፍቅረ እግዚአብሔር የተለዩትን አስተምሮ ማቅረብ፤ መክሮ መመለስእንደሚገባንሲገልጽልንነው፡፡(በማቴ.21፤23-27፣ማር.12፤2-13፤37፣ ሉቃ. 20፤9፣ 21፤38) የሚገኘው ሁሉም የማክሰኞ ትምህርት ነው፡፡ ስለዚህም ክርስቲያን የሆነ ሁሉ ከሥጋዊ ነገር ርቆ በዚህ ሰሙን የሃይማኖት ትምህርት ሲማር ሲጠይቅ መሰንበት ይገባዋል፡፡
Share this article :

Advertisement / መጥምቀ መለኮት ቅዱስ ዮሐንስ ክብረ በዓል ጎንደር ሐምሌ 2 ቀን 2011 ዓ.ም

 
Support : Creating Website | | መ/ር ንጋቱ አበበ
Copyright © 2011. አትሮንስ ሚዲያ፡- የመ/ር ንጋቱ አበበ ገጽ - All Rights Reserved
Template Created by Published by መ/ር ንጋቱ አበበ
Proudly powered by Blogger